കൊച്ചി: ആലുവ റെയിൽവേ സ്റ്റേഷൻ പരിസരത്ത് വഴിയാത്രക്കാരനെ ആക്രമിച്ച് കവർച്ച. പ്രവാസി മലയാളി ജോഫിൻ ജിജുവിനെയാണ് ആക്രമിച്ചത്. ജോഫിന്റെ തലയ്ക്ക് കല്ലെറിഞ്ഞ് വീഴ്ത്തിയാണ് പ്രതികൾ കവർച്ച നടത്തിയത്. ആലുവ മെട്രോ സ്റ്റേഷനിൽനിന്ന് റെയിൽവേ സ്റ്റേഷനിലേക്കുള്ള ഇടവഴിയിലൂടെ നടന്നുപോകവേയാണ് അക്രമികൾ ജോഫിനെ കല്ലെറിഞ്ഞു വീഴ്ത്തിയത്.
തുടർന്ന് കയർ ഉപയോഗിച്ച് കൈയ്യും കാലും കെട്ടിയശേഷം പ്രതികൾ ഇയാളെ സമീപത്തെ കനാലിൽ തള്ളിയിട്ട് മാലയും പണവും കവരുകയായിരുന്നു. ആക്രമിണത്തിൽ ഗുരുതര പരിക്കേറ്റ ജോഫിൻ കോലഞ്ചേരി മെഡിക്കൽ കോളജ് ആശുപത്രിയിൽ ചികിത്സയിലാണ്. ജെഫിന്റെ വാരിയെല്ലിനും കൈയ്ക്കും താടിയെല്ലിനും പൊട്ടലുണ്ട്. സംഭവത്തിൽ കേസെടുത്ത പൊലിസ് രണ്ടു പേരടങ്ങുന്ന കവർച്ചാ സംഘത്തിനായി തെരച്ചിൽ ആരംഭിച്ചു.
